تحياتي أصدقائي، في هذا المقال راح نحكي شوية في الحماية والأمان، وكيف تحمي حسابك على السوشيال ميديا. رح يكون معنا مثال لأنه في سؤال وصلني من أحد الأصدقاء وبسأل وبيستفسر عن رسالة وصلته على الإيميل؛ شو هي الرسالة، وليش وصلته، وكيف يحمي حسابه على السوشيال ميديا؟ وراح تكون التجربة عن طريق الفيسبوك.

خليل شريتح سيكون معنا، الفائز خليل شريتح من فلسطين.

رسالة تأكيد الحساب: هل تم اختراقي؟

طبعاً هذه "سكرين شوت" من الصديق اللي بعث لي إياها وحكى لي: "خليل وصلتني هي ومش عارف هل تم اختراق حسابي ولا شو هي بالتحديد؟". خلينا نقراها مع بعض ونشوف شو مكتوب في هذا الإيميل اللي وصله على إيميله الشخصي من شركة ميتا أو على حسابه فيسبوك.

موجود فيها طبعاً: "One more step to confirm your account"، إنه ظل عليك خطوة لحتى تأكد حسابك. وموجود إنه في شخص حاول يأكد حسابك، ولتأكيد الحساب أدخل هذا الكود (عبارة عن رقم من 6 أو 8 خانات) بتكمل فيه إجراء تأكيد حسابك وهيك أنت بتعيد تسجيل الدخول لحسابك.

ماذا يعني هذا؟ بمعنى الكلام إنه في شخص حاول يدخل على حساب أحد أصدقائه، أو صديقه هذا حاول يدخل على حسابه من خلال عمليات إنه يجرب مثلاً يستعيد كلمات المرور، يجرب يعرف الإيميل الموجود في الأكاونت، أو يجرب بعض الطرق من استعادة ضبط كلمة المرور من تأكيد الحساب وغيرها.

نصائح هامة للتعامل مع أكواد التأكيد

في التعليمات موجود: "If someone asks for this code"، إذا حدا سألك عن هذا الكود، لو حتى كان موظف من شركة فيسبوك أو ميتا، ما تعطيه هذا الكود وما تشارك هذه الأمور.

المهم في هذا الإيميل تركز على شغله؛ إنه موجود عنا هان: "Didn't request this" (مش أنا طلبت هذا الكود). وإذا كان عندك الإيميل بالعربي رح يكون موجود فيه "مش أنا طلبت هذا الكود" أو "هذا الشخص مش أنا". في عنا هنا اللينك "Let us know"؛ هذا اللينك مهم جداً، انقر عليه فقط، بتخزن في سيرفرات الشركة إنه مش أنت عملت هي العملية، وبالتالي بتحبط العملية وبتحبط عمليات مستقبلية أخرى. المهم تنقر على هذا اللينك لحتى تعمل "Trigger" في السكيورتي إنه مش أنت اللي بتطلب هي الخيارات، فبالتالي بتظلك محافظ على أمان حسابك بنسبة أعلى وأكبر.

كيفية تفعيل الحماية وتأمين الحساب من الاختراقات

كيف أنا أفعل الحماية على حساب الفيسبوك وكيف أؤمن حسابي؟ النقطة الأهم اللي دائماً بحكي عنها هي: تفعيل تسجيل الدخول بخطوتين (Two-Factor Authentication).

1. خصوصية البيانات: إيميلك الشخصي ورقم تلفونك، حاول قدر الإمكان الخصوصية هاي ما تكونش عامة. إذا كنت "Journalist" مثلاً أو صاحب شركة وحابب رقمك يكون معروف، بنصحك استخدم إيميل مختلف عن الإيميل اللي بتستخدمه لإنشاء حساباتك، لحتى ما حدا يعرفه ويحاول يوقعك في عملية تحايل.
2. خطوات التفعيل (كمبيوتر): انقر على صورتك، ثم Settings & Privacy (الحماية والخصوصية)، واختار Settings. رح يفتح معك Accounts Center (مركز الحسابات) اللي بتديره شركة ميتا لكل حساباتك (فيسبوك، إنستغرام، وغيرها).
3. خطوات التفعيل (جوال): بتروح على المنيو، وبتنزل للاسفل وبتختار Account & Privacy، وفي عنا Settings، أول ما تفوت بيظهر عندك Accounts Center.
4. إعدادات الأمان: من داخل "Accounts Center" بنروح على Password and Security، وموجود عنا Two-Factor Authentication.

لماذا نستخدم تطبيق المصادقة (Authenticator App)؟

بنصح بتفعيل تسجيل الدخول بخطوتين عن طريق (رقم الجوال + تطبيق المصادقة). ليش الاثنين؟

• لأنه أحياناً الكود ما بيوصل على الرسائل، وهي كثير بنعاني منها في فلسطين خصوصاً.
• تطبيق المصادقة بتقدر تستخدمه وأنت مش شابك على الإنترنت، بيطلع لك الكود مباشرة.

هذه العملية بتخلي الشخص اللي أخذ كلمة المرور الخاصة بيك ما يقدر يفوت على حسابك طالما هو مش قادر يوصل للكود الآخر اللي بيكون موجود عندك في الرسائل أو على تطبيق المصادقة.

شروط استخدام تطبيق المصادقة: أهم شرط لما تختار تطبيق مصادقة إنه يكون بيدعم Synchronization (التزامن) ويدعم Backup (النسخ الاحتياطي). بحيث لو فقدت هاتفك أو حذفت التطبيق بالغلط، بتقدر تعمل تسجيل دخول من أول وجديد بإيميلك وباسوردك والتطبيق بيستعيد لك كل المواقع اللي أنت مفعل عليها تسجيل الدخول بخطوتين.

نصيحة خليل: في تطبيقات كثيرة، مثل تطبيق Authy، بيشتغل على الأندرويد والأيفون، وأنا من الأشخاص اللي بستخدمه، وهو ممتاز وسهل الاستخدام.

وجدت هذه المقالة مثيرة للاهتمام؟  شاركها مع اصدقائك .. لا تنسى متابعتي على  منصات التواصل الاجتماعي.. https://shreateh.net/links