خليل شريتح سيكون معنا، من فلسطين الفائز خليل شريتح.
بيئة العمل والأدوات المستخدمة
طبعاً راح استخدم "Windows Sandbox" مثل ما هو ظاهر عندكم في الصورة، هذا الويندوز ساند بوكس والويندوز الأصلي اللي موجود عندي شغال، بمعنى إنه خلينا نفرض فرضية إنه جهاز الكمبيوتر هو جهازي الشخصي والويندوز ساند بوكس هو جهاز صديقك. شو راح نعمل؟ راح نعمل نشبك الجهازين على VPN ونلعب لعبة كاونتر سترايك 1.3 (Counter-Strike 1.3)، اللعبة القديمة جداً أيام الزمن الجميل وأيام الإدمان على الألعاب.
رح نستخدم عندنا اللي هو Radmin VPN؛ فكرته بسيطة جداً، بتحمله عندك وصديقك بحمله عنده وكل واحد بده يلعب معكم بحمله عنده. وبعدها واحد فقط منكم بينشئ شبكة VPN وبيببعث اليوزر نيم والباسورد لكل الأصدقاء اللي حابب إنهم ينضموا للشبكة هي، وبعد ما تنضموا كلكم باليوزر نيم والباسورد مباشرة تقدروا تلعبوا.
إعدادات الاتصال والحماية
نقطة مهمة إنه لازم أنت تختار من الإعدادات وتضيف في "الفير وول" (Firewall) لحتى تسمح للألعاب بالاتصال؛ أنا حاطط هنا "Allow all apps" عشان ما تعثر بأي مشكلة.
ملاحظة حول "Windows Sandbox": هي ميزة حلوة في أجهزة الويندوز، إذا عندك برامج وشغلات بتقدر تنزلها عليه لحتى تتأكد منها خصوصاً إذا كان في فيروسات أو برامج بدك تستخدمها بشكل مؤقت وبعدها تحذفها.
خطوات إنشاء الشبكة والاتصال
أول ما تنزل الـ Radmin VPN وتشغله، من جانب الساعة بتنقر باليمين وبتحط "Go Online" لحتى يشبك معك على الإنترنت. رح يظهر عندك خيارين: Create Network و Join Network.
- أنت كمنشئ للغرفة بتختار Create Network وتختار اسم وباسورد (مثلاً: YouTube Tutorial).
- بتعطي صاحبك أو قريبك اليوزر نيم والباسورد على الواتساب.
- هو بيعمل Join Network وبدخل البيانات.
بمجرد الاتصال، رح يظهر اسم كمبيوتر صديقك عندك، وفي هي الحالة كمان تقدروا تعملوا مشاركة ملفات بين بعض وتنقلوا ألعاب وشغلات بشكل أسرع لأنكم صرتوا "شبكة محلية" (LAN)، كأنكم على نفس الراوتر شابكين.
تجربة اللعبة: كاونتر سترايك 1.3
نشغل كاونتر سترايك على الساند بوكس، بنحولها على "Custom Game" ونختار "Counter-Strike" ثم "Activate" و "Play CS Online". بنختار Play on LAN وننشئ السيرفر (Create) ونختار خارطة من خارطات الزمن الجميل (مثل إيطاليا).
لما تشغل اللعبة عندك على كمبيوترك الشخصي وتدخل على "Online"، رح تلاقي السيرفر اللي أنشأناه ظهر عندك؛ سحر! بتعمل دبل كليك وهيك فتنا شبكة داخلية عن طريق الـ VPN. بتقدر تفوت مع مين ما بدك وتعطي اليوزر نيم والباسورد لأصدقائك في مجموعة واتساب وكلكم تفوتوا تلعبوا كاونتر سترايك القديمة، أو حتى ألعاب مثل Red Alert.
نصائح إضافية وأمان المعلومات
- ألعاب Red Alert: لأنها كانت تشتغل على ويندوز XP ببروتوكول قديم اسمه IPX، ويندوز 10 و 11 استغنوا عنه، بس في شرح عندي في قناتي على اليوتيوب كيف تفعل هذا البروتوكول وتلعب كمان على الـ VPN.
- التحميل الآمن: روح على جوجل وحط "Download Radmin VPN" وحمله من الموقع الرسمي لهم، حاول دائماً تحمل من المواقع الرسمية ما تحمل من مواقع مشبوهة بلاش يروح عندك "Ransomware" أو فيروس فدية وتضيع فيها.
- تصفح القناة: عشان تتصفح قناتي بشكل صحيح روح على "قوائم التشغيل" (Playlists)، ادخل على قائمة اسمها "PC & Mobile" فيها كل ما يتعلق بالكمبيوتر والألعاب والبرامج.
ما تنسوا تشاركوا الفيديو مع أصدقائكم، قناتي في الفترة الأخيرة بتعاني ومحتاجة دعمكم باللايكات والمشاركات. كبسة اللايك ببلاش، انقروا عليها ونراكم في فيديوهات لاحقة.
طريقة تفعيل لعبة ريد اليرت Red Alert للعب على شبكة محلية : https://www.youtube.com/watch?v=5rXOY8rZ2Bc
وجدت هذه المقالة مثيرة للاهتمام؟ شاركها مع اصدقائك .. لا تنسى متابعتي على منصات التواصل الاجتماعي.. https://shreateh.net/links